Sekretari amerikan i Shtetit, Antony Blinken, ka deklaruar se bashkëpunimi në rritje i Rusisë dhe Koresë së Veriut kërcënon paqen globale, transmeton Anadolu.
Duke folur në Qendrën për Studime Strategjike dhe Ndërkombëtare në Washington, Blinken tha se “kërcënimet e Koresë së Veriut ndaj sigurisë më të gjerë u demonstruan qartë nga vizita e Kim Jong-un këtë muaj në Moskë”.
Javën e kaluar, Kim bëri thirrje për forcimin e “kontakteve të ngushta” me Moskën, pas një vizite të profilit të lartë në Rusi dhe një takimi me presidentin Vladimir Putin më 12-17 shtator.
SHBA-ja tha se gjatë vizitës palët diskutuan blerjen e armëve nga Moska për luftën e saj kundër Ukrainës, si dhe ndihmën e Rusisë për programin e armëve të paligjshme të Koresë së Veriut.
