SHBA e sheh Turqinë si “një aleate të besueshme”, tha Shtëpia e Bardhë të mërkurën, ndërsa kryediplomatët e dy vendeve u takuan në Uashington, D.C raporton Anadolu.
Zëdhënësja e Shtëpisë së Bardhë Karine Jean-Pierre i bëri komentet në përgjigje të një pyetjeje në lidhje me ofertat e Suedisë dhe Finlandës në NATO. Një gazetar pyeti nëse presidenti Joe Biden e konsideron Turqinë “një aleate të besueshme të NATO-s”, duke përmendur “një bllokim” lidhur me pranimin e vendeve nordike në aleancën ushtarake.
“Ne e shohim Turqinë si një aleat të besueshëm,” u përgjigj Jean-Pierre.
Administrata Biden përshëndeti gjithashtu marrëdhëniet e SHBA me Turqinë, me zëdhënësin e Departamentit të Shtetit, Ned Price, duke thënë: “Ne kemi një marrëdhënie shumë konstruktive me Turqinë”.
“Ne jemi mirënjohës për rolin që Turqia ka luajtur për të ndihmuar në adresimin e shumë prej sfidave më të ngutshme të kohës sonë,” tha Price.
Më herët, sekretari amerikan i shtetit Antony Blinken u takua me ministrin e Jashtëm turk Mevlut Çavusoglu si pjesë e Mekanizmit Strategjik Turqi-SHBA.
Mekanizmi u lançua prillin e kaluar pas një takimi midis Presidentit Recep Tayyip Erdogan dhe Presidentit Joe Biden në margjinat e samitit të G-20 në Romë. /mesazhi
