Shtetet e Bashkuara kanë ndërmarrë për të dytën natë radhazi sulme ajrore ndaj Iranit, duke i arsyetuar ato si përgjigje ndaj sulmeve të vazhdueshme iraniane kundër anijeve tregtare në Ngushticën e Hormuzit.
Sipas Komandës Qendrore të SHBA-së (CENTCOM), sulmet u kryen me urdhër të presidentit amerikan dhe kishin në shënjestër infrastrukturën iraniane të mbikëqyrjes ushtarake, sistemet e komunikimit, pozicionet e mbrojtjes ajrore, depot e dronëve dhe kapacitetet për vendosjen e minave detare.
Shpërthime janë raportuar në jug të Iranit, pranë fshatit Tahrui dhe portit të Sirikut, zonë e cila ishte goditur edhe një ditë më parë. Mediat shtetërore iraniane njoftuan gjithashtu për sulme në ishullin Qeshm.
Përshkallëzimi i ri i tensioneve vjen pavarësisht memorandumit të armëpushimit të arritur më 17 qershor mes SHBA-së dhe Iranit, i cili duket se po vihet seriozisht në pikëpyetje.
Presidenti amerikan, Donald Trump, paralajmëroi se sulmet mund të intensifikohen nëse Irani nuk përmbush pritjet e Uashingtonit, duke akuzuar Teheranin për shkelje të përsëritura të marrëveshjes së armëpushimit. /mesazhi
