Disa pamje të shpërndara në mediat sociale në Kinë tregojnë protesta të reja kundër kufizimeve për shkak të COVID-19, pasi një zjarr në një bllok apartamentesh la të vdekur 10 persona.
Demonstruesit u filmuan duke u përballur me zyrtarët, duke thyer një barrierë dhe duke bërtitur “fund bllokimit të COVID”, raportoi BBC-ja të shtunën.
Pekini vazhdon të ndjekë një politikë zero-COVID, për shkak të numrit rekord të infeksioneve dhe pavarësisht rritjes së zemërimit te publiku.
Autoritetet në qytetin e Urumqit kanë mohuar pretendimet se kufizimet ndaluan njerëzit që t’i shpëtonin zjarrit të së enjtes ku vdiqën 10 persona.
Kryeqyteti i rajonit perëndimor Xinjiang ka qenë nën kufizime që nga fillimi i gushtit.
BBC-së iu tha më herët nga një banor se njerëzit që jetonin në kompleksin e goditur nga zjarri u penguan kryesisht të largoheshin nga shtëpitë e tyre. Kjo është kundërshtuar nga media shtetërore kineze. Megjithatë, autoritetet e Urumqit lëshuan një falje të pazakontë të premten vonë duke u zotuar të ndëshkojnë këdo që kishte braktisur detyrën.
Pamjet e shpërndara të premten mbrëma treguan banorët, shumë prej tyre me maska në fytyrë, duke u mbledhur pas errësirës në rrugët e qytetit.
Ata u panë duke brohoritur dhe duke u grindur me zyrtarët. Vendndodhja u verifikua nga agjencia e lajmeve Reuters.
Një demonstrues bërtet përmes një megafoni dhe në një video tjetër, një turmë depërton nëpër një pengesë të kontrolluar nga punonjësit e qytetit të veshur me veshje mbrojtëse.
Doğu Türkistan Urumçi’de yangın çıktı. 40 kadar Uygur Türk’ünün yanarak ve dumandan zehirlenerek can verdiği bildirildi. pic.twitter.com/0zdG3cw7v3
— Islamist Agenda (@IslamistAgenda) November 25, 2022