RTV AHIRETI
LajmeRajon dhe Botë

‘Stop gjenocidit’: Mijëra njerëz dalin në rrugë në Londër në solidaritet me Gazën

‘stop-gjenocidit’:-mijera-njerez-dalin-ne-rruge-ne-londer-ne-solidaritet-me-gazen

Një numër i madh njerëzish u mblodhën sot në kryeqytetin britanik Londër për të protestuar kundër sulmeve izraelite dhe për të kërkuar një armëpushim të menjëhershëm në Rripin e Gazës, raporton Anadolu.

Mijëra protestues u mblodhën në sheshin qendror Russell për marshimin e 11-të kombëtar në solidaritet me palestinezët në Gaza, ku afro 33.000 njerëz janë vrarë nga sulmet izraelite që nga 7 tetori.

Duke mbajtur flamuj palestinezë, protestuesit kërkuan armëpushim të menjëhershëm, ndërsa kritikuan ashpër qëndrimin e qeverisë britanike ndaj Izraelit.

“Rishi Sunak, nuk mund të fshihesh, ne të akuzojmë për gjenocid”, ishte një nga shumë sloganet e brohoritura nga protestuesit propalestinezë gjatë marshimit që përfundoi në sheshin historik Trafalgar.

Përgjatë rrugës së marshimit, një grup i vogël protestuesish proizraelitë organizuan një demonstratë për të shkaktuar trazira. Disa protestues propalestinezë u arrestuan para demonstratës proizraelite.

Protestues nga grupe të ndryshme hebreje antiizraelite ishin në mesin e pjesëmarrësve në tubim.

Izraeli ka zhvilluar një ofensivë ushtarake vdekjeprurëse në Gaza që nga një inkursion ndërkufitar nga grupi palestinez Hamas më 7 tetor 2023, në të cilin Tel Avivi thotë se janë vrarë 1.200 njerëz.

Mbi 32.700 palestinezë, kryesisht gra dhe fëmijë, janë vrarë që atëherë në enklavë nga sulmet izraelite dhe mbi 75.000 të tjerë janë plagosur, përveç shkatërrimit në masë dhe mungesës së nevojave.

Lufta izraelite ka shtyrë 85 për qind të popullsisë së Gazës në zhvendosje të brendshme, krahas një bllokade gjymtuese të shumicës së ushqimeve, ujit të pastër dhe ilaçeve, ndërsa 60 për qind e infrastrukturës së enklavës është dëmtuar ose shkatërruar, sipas OKB-së.

Izraeli akuzohet për gjenocid në Gjykatën Ndërkombëtare të Drejtësisë (GJND). Një vendim i përkohshëm në janar urdhëroi Tel Avivin të ndalojë aktet gjenocidale dhe të marrë masa për të garantuar ofrimin e ndihmës humanitare për civilët në Gaza.

Related posts

Shkon në 100 numri i të vdekurve nga sulmi në xhaminë e Pakistanit

admin

Njoftim me rëndësi për ata që planifikojnë të udhëtojnë përmes pikë kalimeve kufitare me Serbinë

admin

Blinken një javë në Lindjen e Mesme, shpreson në arritjen e një armëpushimi në Gazë

admin