Ambasadori i BE-së në Kosovë, Tomas Szunyog ka mirëpritur ratifikimin e sotëm të pesë marrëveshjeve ndërkombëtare në Kuvendin e Kosovës.
Në një postim në “X”, Szunyog është shprehur se këto marrëveshje nënkuptojnë mbështetje ndërkombëtare për reformat kyçe që ndikojnë drejtpërdrejtë në mirëqenien e qytetarëve të Kosovës.
“E mirëpres konsensusin ndërpartiak të dëshmuar në Kuvendin e Kosovës sot me ratifikimin e pesë marrëveshjeve ndërkombëtare. Këto marrëveshje nënkuptojnë mbështetje ndërkombëtare për reformat kyçe që ndikojnë drejtpërdrejtë në mirëqenien e qytetarëve të Kosovës. Inkurajoj fuqishëm Kuvendin që të ratifikojë marrëveshjet ndërkombëtare, që janë të rëndësishme për zhvillimin socio-ekonomik dhe për ngritjen e institucioneve të Kosovës dhe demokracisë. Është e rëndësishme, që këto hapa ta sjellin Kosovën më afër aspiratave të saj për integrimin në BE”, ka shkruar ai.