Të paktën 96 persona janë vrarë në Iran vetëm gjatë së hënës, pas sulmeve të përbashkëta të Shteteve të Bashkuara dhe Izraelit, njofton organizata Human Rights Activists News Agency (HRANA).
Sipas HRANA-s, 85 nga viktimat janë civilë dhe 11 pjesëtarë të forcave ushtarake. Organizata me seli në Uashington thekson se numri i përgjithshëm i civilëve të vrarë që nga fillimi i sulmeve më 28 shkurt ka arritur në të paktën 742, mes tyre 176 fëmijë.
Ndërkohë, Gjysmëhëna e Kuqe Iraniane ka raportuar më herët për 555 të vdekur, duke paraqitur një bilanc më të ulët të viktimave.
Shifrat nuk janë verifikuar në mënyrë të pavarur. Sipas HRANA-s, sulmet e së hënës kanë goditur disa baza ushtarake, dy zona banimi si dhe portin Shahid Bahonar në Bandar Abbas. /mesazhi
