Sipas një sondazhi, 61 për qind e të rinjve në Korenë e Jugut mendojnë se ribashkimi me Korenë e Veriut nuk është i nevojshëm, transmeton Anadolu.
Në lajmin e agjencisë koreano-jugore Yonhap thuhet se është zhvilluar një anketë me 1.001 të rinj koreano-jugorë të moshës nga 20 deri në 30 vjeç gjatë periudhës 13-18 prill. Në pyetjen për mendimin lidhur me ribashkimin e Koreve, 61 për qind e pjesëmarrësve janë deklaruar si “kategorikisht jo i nevojshëm” ndërsa 24 për qind e tyre si “kategorikisht i nevojshëm”.
Po ashtu pjesëmarrësve në sondazh u është drejtuar edhe pyetja se cili është mendimi i tyre lidhur me Kinën, Korenë e Veriut, SHBA-në dhe Japoninë.
Në përgjigjen e tyre 91 për qind e pjesëmarrësve kanë shprehur “mendim negativ” ndaj Kinës ndërsa 88 për qind “mendim negativ” ndaj Koresë së Veriut.
Në anën tjetër, 67 për qind e pjesëmarrësve kanë shprehur “mendim pozitiv” për SHBA-në dhe 63 për qind “mendim pozitiv” për Japoninë.
