RTV AHIRETI
LajmeRajon dhe Botë

Termometrat në Bagdad sot shënuan 50 gradë Celsius

termometrat-ne-bagdad-sot-shenuan-50-grade-celsius

Ditët e fundit kryeqyteti i Irakut, Bagdadi, ka shënuar ditët më të nxehta, ndërsa sot termometrat kanë shënuar deri në 50 gradë Celsius, raporton Anadolu.

Temperaturat në Bagdad, të cilat ishin mesatarisht midis 45 dhe 48 gradë në korrik, u rritën në 50 gradë këtë pasdite.

Irakianët vazhdojnë të ankohen për ndërprerje të energjisë elektrike për shkak të temperaturave të larta. Në Bagdad, mesatarisht 3 deri në 5 orë shërbim kombëtar të energjisë elektrike mund të ofrohet në ditë.

Banorët e Bagdadit marrin energji elektrike nga gjeneratorët fqinjë në këmbim të parave. Familjet me të ardhura të ulëta nuk mund ta përdorin këtë shërbim.

Settar Ali, i cili u shet ujë kalimtarëve në rrugën “Alavi” në qendër të Bagdadit tha për Anadolu: “Moti është shumë i nxehtë dhe energjia elektrike është e fikur në shtëpi. Pavarësisht nxehtësisë ekstreme, unë jam në rrugë për t’u çuar bukën fëmijëve të mi dhe për të paguar qiranë e shtëpisë dhe u shes ujë kalimtarëve. Mundohem të freskoj edhe veten me ujë”, tha Ali.

Enti Meteorologjik i Irakut njoftoi se temperatura e ajrit do të qëndrojë në 50 gradë e më lart deri të hënën.

Related posts

Tkurret Serbia, Lugina me mbi 100 mijë shqiptarë të regjistruar

admin

Ambasadori amerikan i uron myslimanëve kosovarë me rastin e Hixhretit

admin

Erdoğan: Turqia do t’i vazhdojë operacionet antiterroriste

admin