Reagimi pas vdekjes së dy ushtarëve amerikane në një bazë në Jordani
Sipas deklaratave të zyrtarëve amerikanë, Donald Trump urdhëroi Komandën Qendrore të SHBA-së (CENTCOM) të nisë sulme kundër Iranit në shenjë hakmarrjeje për vdekjen e dy ushtarëve amerikanë në një bazë në Jordani.
Madje raportohet se presidenti amerikan ka thënë se “portat e ferrit do të hapen” kundër Iranit.
Për gati një javë, SHBA-të kanë kryer sulme të përditshme ndaj infrastrukturës kryesisht në Iranin jugor, në zonën më të gjerë të Ngushticës së Hormuzit.
Në një zhvillim paralel, Departamenti i Shtetit lëshoi një paralajmërim me efekt në të gjithë botën, por veçanërisht për amerikanët në Lindjen e Mesme, që të “ushtrojnë kujdes të shtuar” ndërsa lufta midis Shteteve të Bashkuara dhe Iranit vazhdon.
“Mjedisi i sigurisë mbetet kompleks me potencialin për përshkallëzim të paparashikueshëm. Ne u kujtojmë amerikanëve në rajon nevojën e vazhdueshme për vigjilencë. Objektet diplomatike të SHBA-së, përfshirë ato jashtë Lindjes së Mesme, janë shënjestruar. Grupet që mbështesin Iranin mund të shënjestrojnë interesa të tjera të SHBA-së jashtë vendit ose vende të lidhura me Shtetet e Bashkuara dhe/ose amerikanët në mbarë botën”, thuhet ndër të tjera.
Dy ushtarë të vrarë në sulmin iranian
Kujtohet se dy ushtarë amerikanë u vranë të premten në Jordani pas një sulmi iranian me raketa dhe dronë, ndërsa një ushtar tjetër “është i zhdukur në veprim”.
Për më tepër, katër ushtarë amerikanë u transportuan në spitalet jordaneze për trajtim mjekësor dhe tani janë liruar. Ushtarë të tjerë, të cilët u plagosën lehtë, janë rikthyer në detyrë. /tesheshi
