Turqia dhe Arabia Saudite nënshkruan të hënën një seri marrëveshjesh që përfshijnë investimet, industrinë e mbrojtjes, energjinë dhe komunikimet, raporton Anadolu.
Marrëveshjet u nënshkruan pas takimeve të delegacionit të udhëhequr nga presidenti turk Recep Tayyip Erdoğan dhe princi saudit i kurorës Mohammed bin Salman në qytetin e Xhides.
Presidenti Erdoğan më herët pati një takim me princin e kurorës pas dyerve të mbyllura në Pallatin Mbretëror Al-Salam.
Udhëheqësi turk mbërriti të hënën në Arabinë Saudite si pjesë e një turneu treditor të Gjirit për të forcuar lidhjet.
Në pjesën e parë të udhëtimit të tij, ministri i Jashtëm saudit Faisal bin Farhan al-Saud dhe zyrtarë të tjerë pritën Erdoğanin në aeroportin e Xhides.
Presidenti po shoqërohet nga anëtarë të kabinetit të tij dhe zyrtarë të tjerë turq.
Pas Arabisë Saudite, Erdoğan do të vizitojë Katarin dhe Emiratet e Bashkuara Arabe.
