BE ka njoftuar nisjen e skemës për heqjen e vizave, ETIAS.
Skema e re, ETIAS, nuk është njësoj si një vizë – është më i shpejtë, bëhet në internet dhe nuk kërkon informacion biometrik – ka ende një procedurë dhe një kosto për ta marrë atë, më tepër si skema e Shteteve të Bashkuara, ESTA.
Lëvizja prek rreth 60 vende, përfshirë SHBA-në dhe Britaninë e Madhe, të cilat humbën lirinë e lëvizjes pas Brexit.
Autorizimi ETIAS është i vlefshëm për një numër të pakufizuar hyrjesh për tre vjet. Megjithatë, mbajtësit duhet t’u përmbahen rregullave të imigracionit dhe qëndrimit të tepërt. Aktualisht, shtetasit e tretë nuk mund të qëndrojnë më shumë se 90 ditë në bllok në tërësi, për çdo periudhë 180 ditore.
Kostoja: 7 € (7,35 dollarë) për ata të moshës nga 18 deri në 70 vjeç. Nuk është ende e qartë nëse të tjerët do të kenë një tarifë të reduktuar ose do të jenë në gjendje të aplikojnë falas. Në krahasim, SHBA tarifon 21 dollarë për një autorizim ESTA.
Vendet pjesëmarrëse
Kur Etias të nisë plotësisht, shumica e vendeve në BE do të kërkojnë një Etias të vlefshëm kur të mbërrini në kufijtë e tyre. Vendet pjesëmarrëse janë: Austria, Belgjika, Republika Çeke, Danimarka, Estonia, Finlanda, Franca, Gjermania, Greqia, Hungaria, Islanda, Italia, Letonia, Lihtenshtejni, Lituania, Luksemburgu, Malta, Holanda, Norvegjia, Polonia, Portugalia, Sllovakia, Sllovenia, Spanja, Suedia dhe Zvicra.
Qëllimi i ETIAS
Qëllimi kryesor i Etias është të përmirësojë sigurinë pa i bërë sfidues udhëtimet ndërkombëtare për qytetarët e vendeve që aktualisht nuk kanë nevojë për viza për t’i vizituar. Me kalimin e kohës, ky sistem pritet të zvogëlojë përhapjen e krimit dhe të parandalojë sulmet terroriste. /tiranapost
