Shtabi i Përgjithshëm i Forcave të Armatosura ukrainase njoftoi se Rusia i ka humbur mbi 50 mijë ushtarë, raportoi BBC-ja të martën.
Shtabi tha në raportin e fundit se humbjet ruse janë 50.150, ndërsa të hënën u vranë 350 ushtarë. Zyrtarisht, Rusia nuk ka publikuar të dhëna për viktimat e saj, derisa në fund të gushtit, Ukraina tha se i janë vrarë rreth 9 mijë ushtarë.
Të martën, Britania e Madhe, nëpërmjet Inteligjencës, njoftoi se trupat ruse kanë filluar ta përjetojnë mungesën e dronëve dhe të pjesëve rezervë.
“Disponueshmëria e kufizuar e UAV-ve të zbulimit ndoshta përkeqëson vetëdijen taktike të situatës së komandantëve”, thuhet në njoftim. /koha
