Fondi i Kombeve të Bashkuara për Fëmijët (UNICEF) njoftoi se 122 fëmijë humbën jetën nga epidemia e difterisë në Nigeri brenda 7 muajve, transmeton Anadolu.
Zyrtarja për Komunikim e UNICEF-it në Nigeri, Safiya Akau deklaroi se epidemia e difterisë vazhdon të përhapet në shtete të ndryshme të vendit. Ajo tha se në periudhën janar-korrik 2023, të paktën 122 fëmijë humbën jetën për shkak të epidemisë.
Sipas saj, 1.387 raste të difterisë u regjistruan në vend deri në korrik ndërsa 71.5 për qind e rasteve u panë tek fëmijët midis moshës 2 dhe 4 vjeç. “Është zemërthyese të thuhet se vetëm 22 për qind e rasteve të konfirmuara kanë patur vaksinimet rutinë të fëmijërisë”, tha Akau.
Ajo nënvizoi se UNICEF-i po rrit përpjekjet kundër epidemisë në rritje të difterisë që prek fëmijët në Nigeri.
Difteria, e njohur edhe si paraliza e shpendëve, ndodh kur mikroorganizmi i quajtur “corynebacterium diphtheriae” vendoset në fyt, hundë, sy dhe lëkurë. Sëmundja ngjitëse mund të çojë në vdekje.
