Ushtria izraelite njoftoi se ka filluar përsëri sulm tokësor ndaj Khan Younis në jug të Gazës, transmeton Anadolu.
Sipas deklaratës së zëdhënësit të ushtrisë izraelite, forcat izraelite me pjesëmarrjen e njësisë ushtarake 98 filluan një sulm tokësor në Khan Younis në jug të Gazës. Gjithashtu u tha se ushtria izraelite ka kryer sulme ajrore në 30 pika në të njëjtin rajon.
Ka tërhequr vëmendjen se fillimi i sulmit tokësor përsëri nga Izraeli ndaj Khan Younis në një kohë kur tensionet rajonale mes Iranit, Hezbollahut libanez dhe Izraelit janë në kulmin e tyre, ka ardhur pas thirrjes së SHBA-së, Egjiptit dhe Katarit për rifillimin e negociatave në Kajro apo Doha më 15 gusht për një armëpushim dhe shkëmbimin e pengjeve në Rripin e Gazës.
Ushtria izraelite kishte dërguar urdhra evakuimi në lindje të Khan Younis në jug të Rripit të Gazës në të cilin janë strehuar mijëra palestinezë të zhvendosur me forcë. Në median sociale u pasqyruan skenat e një “katastrofe humanitare” në të cilën gratë, fëmijët dhe të moshuarit palestinezë u detyruan të migrojnë duke ecur nëpër ndërtesa të rrënuara me ato pak sende në duar që mundën të merrnin.
Forcat izraelite, kur intensifikuan sulmet e tyre në Rripin e Gazës në dhjetor 2023, filluan një sulm tokësor në Khan Younis, vendbanimi i dytë më i madh në rajon. Pas tërheqjes nga Khan Younis në prill, ushtria izraelite la pas shkatërrime të mëdha dhe Ekipet Palestineze të Mbrojtjes Civile gjetën trupat e qindra palestinezëve. U njoftua se rreth 8 mijë njerëz vlerësoheshin se janë nën rrënoja në Khan Younis.
Është informuar se një varr masiv në të cilin ishin varrosur më shumë se 300 trupa u gjet në kopshtin e spitalit Nasser në Khan Younis.
Ushtria izraelite filloi një sulm tokësor mbi Khan Younis përsëri në fund të korrikut dhe u tërhoq rreth një javë më vonë, duke lënë më shumë viktima dhe shkatërrime në rajon.
