Ushtria pakistaneze ka pretenduar se ka vrarë 15 militantë të cilët dyshohet se po përpiqeshin të depërtonin në vend nga Afganistani fqinj, transmeton Anadolu.
Ushtria tha se forcat e sigurisë zbuluan “terroristët” që i përkisnin “Fitna Al Khwarijit të sponsorizuar nga India”, të cilët tentuan të depërtonin përmes kufirit Pakistan-Afganistan, përballë qarkut fisnor të Waziristanit Verior.
Sipas ushtrisë, “si rezultat i një ndërhyrjeje të saktë dhe të realizuar me profesionalizëm”, tha ushtria.
Islamabadi përdor termin “Fitna Al Khwarij” për t’iu referuar grupit Tehreek-e-Taliban Pakistan (TTP).
“Ky incident përgjatë kufirit Pakistan-Afganistan dëshmon edhe një herë qëndrimin e vazhdueshëm të Pakistanit lidhur me dështimin e plotë të regjimit taleban afgan për të parandaluar përdorimin e territorit afgan nga organizata terroriste, nën mbështetjen e tyre, për terrorizëm ndërkufitar”, thuhet në deklaratë.
“Regjimi taleban afgan ka dështuar vazhdimisht të sigurojë menaxhim efektiv të kufirit dhe të përmbushë detyrimet e tij ndërkombëtare”, thuhet më tej.
Pakistani, i cili vitet e fundit ka regjistruar një rritje të sulmeve ndaj forcave të sigurisë, akuzon Indinë dhe Afganistanin se mbështesin militantët.
New Delhi dhe Kabuli i mohojnë akuzat, megjithëse nuk pati reagim të menjëhershëm nga të dyja vendet ndaj pretendimit të ri të Islamabadit.
