Bashkimi Evropian do të paraqesë në javët në vijim, propozimin për përdorimin e aseteve të ngrira ruse për të mbështetur Ukrainën, tha të mërkurën presidentja e Komisionit Evropian, Ursula von der Leyen.
“Komisioni Evropian do të paraqesë një plan përpara pushimeve të verës”, tha von der Leyen në një konferencë për rindërtimin e Ukrainës, në Londër.
Konferenca e Rimëkëmbjes së Ukrainës, e cila po zhvillohet sot dhe nesër në Londër, supozohet të vendosë themelet për rindërtimin e Ukrainës nga shkatërrimi i pushtimit të vazhdueshëm rus.
Fokusi është nxitja e kompanive të sektorit privat për të investuar në vend dhe të ndihmojnë në rindërtimin e ekonomisë së tij. /atsh
