Presidenti i Serbisë, Aleksandar Vuçiq, tha se nuk do ta njohin pavarësinë e Kosovës as de fakto, as de jure, raporton Anadolu.
Duke folur para qytetarëve në Vranjë, Vuçiq adresoi çështjen e Kosovës.
“Unë nuk do ta njoh pavarësinë e Kosovës. Nuk ka dorëzim. Nuk do ta njohim pavarësinë e Kosovës as de fakto, as de jure”, tha presidenti serb.
Në kuadër të dialogut ndërmjet Kosovës dhe Serbisë, kryeministri i Kosovës, Albin Kurti, dhe presidenti serb Vuçiq, me ndërmjetësimin e BE-së, do të takohen më 18 mars në Ohër të Maqedonisë së Veriut.
