Kreu i Shtetit dhe Partisë së Kinës, Xi Jinping, ka bërë thirrje për konsensus për një mbrojtje më të mirë të specieve globale, duke folur përmes një lidhjeje me video në Konferencën e 15-të OKB-së për Biodiversitetin, në Montreal.
Xi tha se një ekosistem i shëndetshëm ishte i domosdoshëm për mirëqenien e qytetërimit.
“Ne duhet të nxisim përpara procesin global të mbrojtjes së biodiversitetit, t’i kthejmë ambiciet në veprim, të mbështesim vendet në zhvillim në ndërtimin e kapaciteteve dhe të koordinojmë përpjekjet për të adresuar ndryshimet klimatike, humbjen e biodiversitetit dhe sfidat e tjera globale”, tha Xi.
“Duhet një punë e përbashkët për të arritur një marrëveshje dhe të identifikohen qëllimet dhe rrugët për mbrojtjen e biodiversitetit”, shtoi ai.
Shumica e shteteve pjesëmarrëse tani përfaqësohen në nivel ministror në takim, i cili është planifikuar të zgjasë deri më 19 dhjetor.
Fillimisht, COP15 duhej të zhvillohej në Kinë në vitin 2020, por më pas u shty për shkak të pandemisë.
“Kina dëshiron të thellojë shkëmbimet ndërkombëtare për ruajtjen e specieve”, tha Xi.
“Nëpërmjet Fondit të Zhvillimit të Gjelbër nën iniciativën e tij globale të infrastrukturës, “Një brez, një rrugë”, Kina dëshiron të ndihmojë vendet në zhvillim të çojnë procesin e ruajtjes së specieve në një nivel të ri,” tha ai.