Presidenti kinez Xi Jinping deklaroi në një takim me kryeministrin rus Mikhail Mishustin se Kina është e gatshme të ofrojë mbështetje ”të fortë” mbi interesat thelbësore përkatëse të dy vendeve.
Agjencia shtetërore e lajmeve kineze Xinhua theksoi se të dy liderët u takuan në Pekin për bisedime dypalëshe, por nuk u dhanë detaje mbi “interesat thelbësore” të cilave u referohej presidenti kinez.
Sipas Xi, të dy shtetet duhet të forcojnë bashkëpunimin edhe në forume ndërkombëtare si Kombet e Bashkuara.
Gjatë vizitës dy-ditore të Mishustinit në Kinë, ai bëri thirrje për më shumë bashkëpunim ekonomik midis Moskës dhe Pekinit.
Mishustin tha se ”Rusia shpreson të shesë më shumë produkte bujqësore në Kinë”. /atsh