Zelanda e Re ëndërron për një brez “pa duhan” deri në vitin 2025.
Zëvendësministrja e Shëndetësisë Ayesha Verrall ka promovuar projektligjin e parë që ndalon shitjen e cigareve për të lindurit pas vitit 2009.
Masat e reja shihen si të parat në botë dhe kanë shkaktuar një përzierje lëvdatash për inovacionin, por edhe shqetësimesh për pasojat e mundshme.
Çfarë parashikon saktësisht ligji?
“Aktualisht është në diskutim në Parlament”, tha Verrall për Repubblica.
“Presim që të arrihet miratimi i shpejtë sepse situata në vendin tonë është shqetësuese. 90% e popullsisë së rritur dhe 11.6% e qytetarëve 15 vjeç e lart pinë duhan. Përqindja rritet në 29% te Maori. Do të synojmë një ulje drastike të duhanpirësve nën 5%”.
Përveç ndalimit të shitjes së cigareve për adoleshentët, kompanive prodhuese do t’u kërkohet të ulin në mënyrë drastike nivelet e nikotinës në cigare, të cilat mund të shiten vetëm në dyqane të specializuara, hyrja e të cilave do të ndalohet për të miturit. /oranews
