Mijëra persona janë evakuuar nga shtëpitë dhe hotelet në ishullin e Rodosit, kanë bërë të ditur shërbimet e zjarrfikësve në Greqi. Anije private janë duke ndihmuar rojet detare greke në shpëtimin e njerëzve.
Marina greke po ashtu është nisur drejt zonës së famshme turistike.
Zëvendësshefi i zjarrfikësve në këtë ishull ka thënë se kjo është situata më e vështirë me të cilën janë përballur. Pesë helikopterë e 173 zjarrfikës janë duke operuar në zonë, ku tashmë raportohet për dëme në tri hotele. Greqia po përballet me mot përvëlues.
Meteorologët kanë paralajmëruar se temperaturat mund të arrijnë në 45 gradë celsius në fundjavë. Sipas autoriteteve në këtë vend, ky është korriku më i nxehtë në 50 vjetët e fundit në Greqi. /koha
https://t.co/K1GBSWdkrw
Orman yangınları nedeniyle Yunanistan’ın Rodos adasından yaklaşık 3OK kişi tahliye edildi. İtfaiye, şiddetli rüzgar ve sıcak nedeniyle yangınla mücadelenin birkaç gün süreceğini söyledi.#rodos #rhodes #yunanistan #greece #Greecefires #rhodeswildfires pic.twitter.com/2QAfdWAqqQ— The Anatolia Post (@Theanatoliapost) July 23, 2023
