RTV AHIRETI
LajmeRajon dhe Botë

Zjarrfikësit luftojnë me flakët në një park kombëtar të Çekisë

zjarrfikesit-luftojne-me-flaket-ne-nje-park-kombetar-te-cekise

Zjarrfikësit çekë janë përforcuar nga disa njësite gjermane, për të luftuar zjarret pyjore në parkun kombëtar të njohur si Zvicra çeke, të cilat kanë shkatërruar shtëpi dhe kanë detyruar autoritetet të evakuojnë banorët e fshatrave në afërsi.

Zjarri është përhapur në gati 30 hektarë në këtë rajon, që gjendet në kufi me Gjermaninë dhe vizitohet nga shumë turistë.

Për pasojë, tymi ka lëvizur nëpër një pjesë të mirë të Çekisë, përfshirë kryeqytetin, Pragën, kanë thënë zyrtarët.

Zjarrfikësit – të cilët dyshojnë se një vizitor i parkut ka nisur zjarrin, pasi e ka lënë atë pa mbikëqyrje gjatë fundjavës – e kanë pasur situatën nën kontroll derisa intensiteti i erës e ka rritur zjarrin.

Një valë e madhe e të nxehtit javën e kaluar – me temperatura mbi 40 gradë celsius – ka shkaktuar zjarre pyjore në disa pjesë të jugut të Evropës. /rel

Related posts

Baykar në TEKNOFEST Istanbul prezantoi smart raketën Bayraktar KEMANKES

Muhamet Ramadani

Vendimi i qeverisë së Kosovës, KFOR: Do të vazhdojmë të kujdesemi për sigurinë përreth Manastirit të Deçanit

admin

Vazhdon shqyrtimi i tërheqjes së kursimeve nga Trusti

admin