Vdekja duket të jetë “e vetmja gjë e sigurt” për 2.3 milionë palestinezët në Gaza, pa asnjë mënyrë për t’i shpëtuar sulmeve izraelite, thotë një zyrtare e OKB-së, duke rrëfyer dëshpërimin në rritje në të gjithë territorin.
“Ndihet sikur njerëzit presin vdekjen. Vdekja duket të jetë e vetmja gjë e sigurt në këtë situatë”, tha Louise Wateridge, një zëdhënëse e UNRWA, për agjencinë e lajmeve AFP nga Gaza.
Për dy javët e fundit, Wateridge ka qenë në Gaza, duke dëshmuar krizën humanitare, frikën e vdekjes dhe përhapjen e sëmundjeve ndërsa lufta vazhdon.
“Asnjë vend në Gaza nuk është i sigurt. Është absolutisht shkatërruese. Ne po përballemi me sfida të paprecedentë sa i përket përhapjes së sëmundjeve, sa i përket higjienës. Një pjesë e kësaj është për shkak të rrethimit të imponuar nga Izraeli në Rripin e Gazës.
