Pothuajse 700 emigrantë kaluan La Manshin për të mbërritur në brigjet britanike, në një ditë të vetme, një rekord.
”Rreth 696 migrantë e bënë dje udhëtimin me 14 varka”, tha Ministria e Mbrojtjes.
Ky është numri më i lartë në një ditë të vetme deri më tani këtë vit dhe hera e dytë në 2022 me shifra ditore mbi 600.
Numri më i lartë i mëparshëm ishte 651 i regjistruar më 13 prill.
Kalimet e fundit panë grupe të mëdha njerëzish, përfshirë fëmijë, të nxjerrë në breg në Ramsgate përpara se të largoheshin nga porti i Kentit, me autobusë dykatësh.
”Më shumë se 17 000 persona kanë mbërritur këtë vit në Britaninë e Madhe nga Franca me varka të vogla, si gomone”, sipas shifrave të qeverisë. /atsh
