Presidenti i Bjellorusisë, njëherësh aleat i Putinit, Aleksandër Lukashenko, ka realizuar një video në të cilën ai premton se Bjellorusia nuk do të lejojë që Evropa të ngrijë gjatë dimrit, teksa shfaqet duke prerë dru zjarri.
“Bjellorusia nuk do ta lërë Evropën të ngrijë”, tha Alexander Lukashenko me 14 shtator ndërsa priste drutë e zjarrit.
“Ne do të ndihmojmë vëllezërit tanë, ndoshta ata do të na ndihmojnë një ditë”, tha politikani.
“Ai vuri në dukje se BE-ja nuk duhet të zgjedhë midis pemëve apo druve të tjerë të zjarrit, “gjëja kryesore është të jesh ngrohtë”.
Pamjet e Presidentit të Bjellorusisë Aleksandër Lukashenko duke copëtuar dru zjarri ndërsa talleshin me Evropën, vijnë pasi kompania ruse e energjisë e kontrolluar nga shteti Gazprom u përpoq të frikësonte Evropën me një video që tregon pasojat e tmerrshme të një dimri të ftohtë.
Videoja e Gazpromit rus që synonte të frikësonte Evropën përpara dimrit “të ngrirë” u shpërnda gjerësisht në Twitter. /oranews
