Presidenti i Algjerisë, Abdelmajid Tebboune dhe presidenti i Francës, Emmanuel Macron diskutuan lidhur me marrëdhëniet dypalëshe, transmeton Anadolu Agency (AA).
Në një deklaratë me shkrim nga Presidenca algjeriane thuhet se Tebboune zhvilloi një bisedë telefonike me Macron.
Më tej thuhet se në bisedë u rishikuan marrëdhëniet mes dy vendeve ndërsa liderët shprehën kënaqësinë për nivelin dhe ecurinë pozitive të marrëdhënieve.
Tebboune dhe Macron theksuan rëndësinë e takimit të pestë të Komitetit Ndërqeveritar të Nivelit të Lartë mes dy vendeve, organizimin e të cilit e ka marrë përsipër Algjeria.
Dy presidentët diskutuan gjithashtu edhe mbi zhvillimet në rajon.
