Qeveria Maldive ka dënuar ashpër djegien e Kuranit të Shenjtë në Suedi, të kryer nga lideri i partisë së ekstremit të djathtë, Stram Kurs, Rasmus Paludin.
Ministri i Punëve të Jashtme të Maldiveve, Abdulla Shahid e kishte quajtur incidentin një “akt të neveritshëm të përdhosjes së Kuranit të Shenjtë”.
Kundërshtimet e Turqisë ndaj anëtarësimit të Suedisë në aleancën ushtarake të NATO-s ishin ato që ndezën demonstratat. Turqia ka penguar aplikimet e Suedisë dhe Finlandës në NATO. Paludini kishte folur kundër Islamit dhe muslimanëve për gati një orë para se të përdhoste librin e shenjtë.
Lideri i Stram Kurs është i njohur për ideologjitë e tij radikale ndaj besimit islam dhe muslimanëve. Në prill të vitit 2022, që përkoi me muajin e shenjtë islamik të Ramazanit, Paludin kishte njoftuar se do të nisë një fushatë mbarëkombëtare anti-islame për djegien e Kuranit të Shenjtë.
Ndërsa fushata anti-islamike e Paludin dhe partisë së tij çoi në trazira mbarëkombëtare, qeveria suedeze pretendoi se ishte liri e shprehjes. /mesazhi
