Tre persona humbën jetën, pasi shoferi i një furgoni që transportonte disa emigrantë tentoi t’i shmangej kontrollit të policisë në Austri, bënë të ditur sot burime zyrtare të policisë austriake.
Një grua dhe dy burra mbetën të vdekur, pasi automjeti me të cilin udhëtonin u përmbys në rrugë, pasi shoferi u përpoq t’i shpëntonte ndjekjes së policisë, deklaroi një zëdhënës i policisë.
Sipas autoriteteve, në furgon ndodheshin 20 persona, ndër ta edhe fëmijë. Shtatë prej tyre janë plagosur rëndë në aksidentin që ndodhi pranë qytetit Kittsee, në kufirin mes Austrisë dhe Hungarisë.
“Shoferi, i cili tentoi të shmangte kontrollin e policisë, e rriti shpejtësinë në maksimum në autostradë, por humbi kontrollin e mjetit, teksa provoi të shmangej për të lëvizur në një dalje të autostradës,” deklaroi zëdhënësi i policisë, duke shtuar se shoferi tashmë është arrestuar. /atsh