Bahrejni, Emiratet e Bashkuara Arabe dhe Liga Botërore Myslimane kanë dënuar sulmin ndaj forcave paqeruajtëse të Kombeve të Bashkuara në Liban (UNIFIL), në jug të vendit, ku u vra një paqeruajtës francez dhe u plagosën tre të tjerë.
Ministria e Jashtme e Bahrejnit e cilësoi sulmin si një “shkelje flagrante të së drejtës ndërkombëtare”, duke rikonfirmuar mbështetjen për përpjekjet e Libanit për të vënë para drejtësisë autorët e ngjarjes, sipas një deklarate zyrtare.
Po ashtu, Bahrejni shprehu mbështetje për rolin e UNIFIL-it në ruajtjen e paqes dhe stabilitetit në Liban.
Edhe Liga Botërore Myslimane e dënoi sulmin, ku Sekretari i Përgjithshëm, Sheikh Dr. Mohammed bin Abdul Karim Al-Issa, e përshkroi atë si një “shkelje të rëndë” të rezolutave të OKB-së dhe të së drejtës ndërkombëtare humanitare, që kërkojnë mbrojtjen e personelit paqeruajtës.
Emiratet e Bashkuara Arabe publikuan një deklaratë të ngjashme, duke theksuar se sulmi ndaj paqeruajtësve përbën shkelje të së drejtës ndërkombëtare dhe të Rezolutës 1701 të Këshillit të Sigurimit të OKB-së. Ato shprehën ngushëllime për Francën dhe solidaritet me Libanin, si dhe kërkuan një hetim të plotë për incidentin.
Presidenti francez Emmanuel Macron konfirmoi më herët se një paqeruajtës francez i UNIFIL-it u vra dhe tre të tjerë u plagosën në sulmin e së shtunës. /mesazhi
