Të paktën 12 persona kanë humbur jetën dhe 30 të tjerë janë lënduar sot në një aksident trafiku në Egjiptin lindor, njoftuan mediat lokale, transmeton Anadolu Agency (AA).
Aksidenti ka ndodhur kur një autobus është përplasur me një kamion të rëndë transporti në rrugën Zafarana-Ras Ghareb, 40 kilometra në veri të Ras Ghareb-it në provincën e Detit të Kuq, njoftoi gazeta lokale Al-Masry El-Youm.
Autoritetet egjiptiane thanë se Prokuroria Publike ka nisur një hetim për shkakun e përplasjes.
Egjipti regjistron numër të lartë aksidentesh të trafikut, pavarësisht përpjekjeve të qeverisë për të përmirësuar rrjetin rrugor të vendit.
Vendi ka regjistruar 51.511 vdekje në aksidente rrugore në vitin 2021, sipas agjencisë shtetërore të statistikave CAPMAS.
