RTV AHIRETI
LajmeRajon dhe Botë

Erdoğan: Historia e pasur ndihet në çdo pjesë të Turqisë – VIDEO

erdogan:-historia-e-pasur-ndihet-ne-cdo-pjese-te-turqise-–-video

Presidenti i Turqisë, Recep Tayyip Erdoğan tha se muzetë dhe kultura janë shumë të rëndësishme për çdo komb dhe shtet, raporton Anadolu Agency (AA).

“Në 20 vitet e fundit, ne kemi rinovuar plotësisht 164 muze në vend. Ne kemi hapur 56 muze të reja në të gjithë vendin tonë”, tha Erdoğan në një fjalim në ceremoninë e hapjes së Muzeut të Pikturës dhe Skulpturës në Istanbul në Universitetin e Arteve të Bukura “Mimar Sinan” (MSGSU).

Ai theksoi se historia e pasur mund të ndihet në çdo pjesë të Turqisë dhe secila nga 81 provincat e vendit i lë vizitorët e saj të mahnitur nga kultura e saj e pasur dhe artefaktet e ndryshme.

Presidenti turk shtoi se është po aq e rëndësishme t’i vlerësojmë këto bukuri, t’i mbrojmë dhe t’ua lëmë brezave të ardhshëm.

Siç tha ai, ata që duan të prishin lidhjen e kombit me historinë, qytetërimin, kulturën dhe vlerat tradicionale të tij, fatkeqësisht nuk e vlerësojnë trashëgiminë unike kulturore.

“Në këtë aspekt, në periudhën e kaluar kemi mbështetur të gjitha llojet e aktiviteteve, projekteve, lloj-lloj iniciativash cilësore që kanë pasuruar jetën kulturore dhe artistike të vendit tonë”, tha Erdoğan.

Ai theksoi se duke i ndërmarrë të gjitha këto aktivitete të suksesshme brenda kufijve të Turqisë, asnjëherë nuk i kanë lënë pas dore asetet e tyre kulturore jashtë vendit dhe përmes institucioneve përkatëse kanë gjetur, rigjallëruar dhe mbrojtur artefaktet e të parëve të tyre.

Presidenti Erdoğan tha se kanë bërë përpjekje të mëdha për riatdhesimin e objekteve me vlerë të kontrabanduar nga Turqia, duke shtuar se si rezultat i përpjekjeve ligjore dhe diplomatike kanë arritur të riatdhesojnë 9.034 artefakte.

 

Related posts

Greqi – 44 parti dorëzojnë aplikimin për zgjedhjet e 25 qershorit

rezart morina

Një tornado e fuqishme shkakton shumë viktima dhe dëme në Ajova

admin

Palestinë: Këtu janë disa nga zhvillimet kryesore

admin6