Gjermania do të japë viza tre-mujore për të prekurit e tërmetit që kanë familje në vend, tha të shtunën ministrja e brendshme.
“Kjo është ndihmë emergjente”, tha Ministrja e Brendshme gjermane Nancy Faeser për gazetën e përditshme Bild.
“Ne duam të lejojmë familjet turke ose siriane në Gjermani që të sjellin të afërmit e tyre nga zona e fatkeqësisë në shtëpitë e tyre pa burokraci”.
Tërmeti vdekjeprurës ka vrarë mbi 25,000 njerëz.
Faeser tha se ata që kualifikohen mund të kenë “viza të rregullta, të lëshuara shpejt dhe të vlefshme për tre muaj”.
Nisma e përbashkët me ministrinë e jashtme do t’u mundësonte të prekurve të “gjenin strehim dhe të marrin trajtim mjekësor” në Gjermani, shtoi ajo.
Rreth 2.9 milionë njerëz me origjinë turke jetojnë në Gjermani, me më shumë se gjysma me kombësi turke.
Komuniteti sirian është gjithashtu i madh dhe vlerësohet në 924,000 që kur ish kancelarja gjermane Angela Merkel hapi kufijtë për refugjatët në 2015 dhe 2016.
Kishte 118,000 sirianë në Gjermani në vitin 2014.
