RTV AHIRETI
LajmeRajon dhe Botë

Guterres: Marrëveshja e grurit, fillimi i përpjekjeve diplomatike

guterres:-marreveshja-e-grurit,-fillimi-i-perpjekjeve-diplomatike

Sekretari i përgjithshëm i OKB-së, António Guterres ka bërë thirrje për t’i dhënë fund luftës në Ukrainë gjatë një takimi me presidentët e Ukrainës dhe Turqisë, Volodymyr Zelensky dhe Recep Tayyip Erdogan, në Lviv.

Shefi i OKB-së tha pas samitit se marrëveshja me Rusinë për të eksportuar grurin e bllokuar me muaj në Ukrainë, ishte vetëm fillimi i përpjekjeve diplomatike dhe se fryma e kompromisit ishte e nevojshme.

“Momenti pozitiv në frontin e ushqimit pasqyron një fitore për diplomacinë, për multilateralizmin, për personat e kapur në kthetrat e një krize të kostos së jetesës, dhe për fermerët punëtorë të Ukrainës”, tha ai.

“Por, ky është vetëm fillimi. Unë u bëj thirrje të gjitha palëve të sigurojnë progres të vazhdueshëm”, shtoi Guterres.

Guterres tha se pushtimi rus në Ukrainë kishte shkaktuar vdekje të shumta, shkatërrime dhe zhvendosje masive dhe shkelje dramatike të të drejtave të njeriut. /atsh

Related posts

Hungari: Papa Françesku thirrje Evropës të bashkohet për t’i dhënë fund luftës – VIDEO

admin

Kalın kritikon thirrjen në Belgjikë për “heqjen e shtetësisë së dyfishtë” të atyre që votojnë presidentin Erdoğan

rezart morina

Ambasadori gjerman: Kosova dhe Serbia duhet të marrin vendime të vështira – Asociacioni të krijohet në harmoni me Kushtetutën

admin