RTV AHIRETI
LajmeRajon dhe Botë

Kalifornia në flakë, digjen mijëra hektarë pyje

kalifornia-ne-flake,-digjen-mijera-hektare-pyje

Një valë e gjatë nxehtësie që ka përfshirë Shtetet e Bashkuara ka shkaktuar zjarre në disa rajone të Kalifornisë. Qindra zjarrfikës po luftojnë me flakët.

Zjarri në McKinney, që nisi në qarkun verior Siskiyou ka djegur tashmë 21.000 hektarë.

Të paktën 2.000 banorë janë detyruar të largohen. Shtëpitë janë shkatërruar. Gjendja e jashtëzakonshme u shpall në qarkun Siskiyou.

Kushtet ekstreme të thatësirës, temperaturat e larta, erërat dhe stuhitë janë ndër faktorët që po favorizojnë flakët.

Autoritetet paralajmërojnë se stuhitë mund të sjellin edhe më shumë probleme.

Shërbimi Pyjor i SHBA-së paralajmëroi se kushtet mund të jenë “jashtëzakonisht të rrezikshme për zjarrfikësit, pasi erërat mund të jenë të çrregullta dhe jashtëzakonisht të forta”.

Ndryshimi i klimës rrit rrezikun e motit të nxehtë dhe të thatë që ka të ngjarë të nxisë zjarret.

Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë reduktime të mëdha të emetimeve. /euronews

Related posts

Parlamenti Evropian e miraton planin prej 6 miliardë eurosh për Ballkanin Perëndimor

RTI

Ndërprerje deri në pesë orë, vendet që do të mbesin pa rrymë sot

admin6

Zbehen shpresat për të gjetur të gjallë nga barka e emigrantëve në Greqi

admin