19-vjeçari Qusai Jamal Maatan u qëllua për vdekje në një bastisje në fshatin Burqa, thotë Ministria palestineze e Shëndetësisë.
Një palestinez 19-vjeçar u vra në një bastisje nga kolonët hebrenj në fshatin Burqa, njoftoi të premten agjencia shtetërore palestineze e lajmeve WAFA.
Ministria palestineze e Shëndetësisë njoftoi se Qusai Jamal Maatan u qëllua për vdekje nga kolonët që sulmuan fshatin, i cili ndodhet në lindje të Ramallah.
Ai u vra gjatë një përleshjeje mes kolonëve dhe fshatarëve palestinezë.
Kolonët sollën edhe kafshë me vete për të treguar se donin të krijonin një vendbanim duke konfiskuar tokën palestineze në rajon, tha WAFA.
Në një mesazh ngushëllimi të lëshuar nga grupi i rezistencës palestineze Hamasi me rastin e vrasjes së djalit, iu bë thirrje palestinezëve të mobilizohen për të kundërshtuar sulmet e kolonëve hebrenj.
Ministria e Jashtme palestineze lëshoi gjithashtu një deklaratë duke dënuar sulmet e armatosura dhe të organizuara të kryera nga kolonët ndaj palestinezëve të pafajshëm në Burqa.
Që nga fillimi i këtij viti, Bregu Perëndimor ka qenë dëshmitar i bastisjeve dhe sulmeve të shpeshta nga kolonët hebrenj nën mbrojtjen e forcave izraelite. /mesazhi
