RTV AHIRETI
LajmeRajon dhe Botë

Mali dhe Burkina Faso dërgojnë avionë luftarakë në Niger në përgjigje të ndërhyrjes së mundshme ushtarake

mali-dhe-burkina-faso-dergojne-avione-luftarake-ne-niger-ne-pergjigje-te-nderhyrjes-se-mundshme-ushtarake

Mali dhe Burkina Faso dërguan avionë luftarakë të premten në Niger në shenjë solidariteti kundër ndërhyrjes së mundshme ushtarake nga Komuniteti Ekonomik i Shteteve të Afrikës Perëndimore (ECOWAS), transmeton Anadolu.

Në një raportim në televizionin shtetëror të Nigerit theksohen përpjekjet e përbashkëta nga Mali dhe Burkina Faso në mbështetje të Nigerit dhe vendosja e avionëve luftarakë brenda kufijve të Nigerit.

“Mali dhe Burkina Faso i kthyen angazhimet e tyre në veprime konkrete duke vendosur avionë luftarakë për t’iu përgjigjur çdo sulmi ndaj Nigerit”, tha televizioni, duke vënë në dukje se avionët janë luftarakë të tipit “Super Tucano”.

Gjatë një takimi të premten me shefin e shtabit të ECOWAS-it në Ganë, data e ndërhyrjes së afërt ushtarake në Niger nuk u zbulua, por blloku deklaroi se forcat e tij ushtarake janë gati të ndërhyjnë sapo të jepen urdhrat.

Burkina Faso dhe Mali, dy vende nën udhëheqje ushtarake, lëshuan më parë një deklaratë mbështetjeje për Nigerin kundër operacionit të planifikuar ushtarak të ECOWAS-it për të ndryshuar rrjedhën e grushtit të shtetit në Niger.

Ata paralajmëruan se çdo ndërhyrje do të konsiderohej si shpallje lufte kundër Burkina Fasos dhe Malit.

Gjenerali Abdourahamane Tchiani, ish-komandant i gardës presidenciale të Nigerit, e deklaroi veten kreun e një qeverie kalimtare muajin e kaluar pasi presidenti Mohamed Bazoum u rrëzua në një grusht shteti ushtarak.

Related posts

Obeziteti në rritje në SHBA, Biden do t’u kërkojë amerikanëve të ndryshojnë zakonet e të ngrënit

admin

Policia largon 6 kamera vëzhgimi nga vendet publike në Zubin Potok

admin

Studimi: Përdorimi i kokainës është rritur në të gjithë Evropën

rezart morina