RTV AHIRETI
LajmeRajon dhe Botë

Meksikë, në rimorkion e një kamioni të braktisur gjenden 209 emigrantë

meksike,-ne-rimorkion-e-nje-kamioni-te-braktisur-gjenden-209-emigrante

Në rimorkion e një kamioni të braktisur në shtetin federal meksikan Veracruz janë gjetur 209 emigrantë të paligjshëm, transmeton Anadolu.

Instituti Kombëtar i Migracionit (INM) njoftoi se kishin gjetur një numër të madh emigrantësh në një rimorkio kamioni në autostradën Villahermosa-Coatzacoalcos në qytetin Nuevo Teapa.

Forcat meksikane të sigurisë ndërhynë për të shpëtuar të gjithë emigrantët nga mbytja pas telefonatave se nga kamioni i braktisur dëgjohen ulërima dhe të qara.

Emigrantët e gjetur ishin me origjinë nga Guatemala, El Salvadori, Ekuadori dhe Hondurasi.

Policia hapi rimorkion dhe shpëtoi emigrantët, 23 prej të cilëve u shtruan në spital për shkak të dehidrimit dhe mungesës së oksigjenit, përfshirë disa fëmijë.

Vitin e kaluar, forcat meksikane kapën 2,76 milionë emigrantë që përpiqeshin të kalonin ilegalisht në Shtetet e Bashkuara të Amerikës.

Sipas autoriteteve meksikane, llogaritet se në Meksikë jetojnë rreth 8,76 milionë emigrantë pa dokumente.

Shumë emigrantë, të cilët prej vitesh kanë ikur nga vendet e Amerikës Qendrore, po përpiqen të kalojnë në SHBA nëpërmjet Guatemalës dhe Meksikës.

Related posts

Izrael, protestat kundër “reformës gjyqësore” vazhduan në javën e 35-të

admin

OKB: Mbi 60 për qind e viktimave të tregtisë me qenie njerëzore janë gra

admin

Ushtria sudaneze lëshon dekret për shpërbërjen e Forcave të Mbështetjes së Shpejtë

rezart morina