RTV AHIRETI
LajmeRajon dhe Botë

Ministrja izraelite paralajmëron: Do të kthehemi në Gaza

ministrja-izraelite-paralajmeron:-do-te-kthehemi-ne-gaza

Ministrja izraelite e Vendbanimeve dhe Vizionit Kombëtar, Orit Strock tha se Izraeli do të kthehet në zonat që la në Gaza në vitin 2005, transmeton Anadolu.

Ministrja Strock nga Partia e Zionizmit Fetar të ekstremit të djathtë, një nga partnerët e koalicionit, në një deklaratë për kanalin e 7-të televiziv izraelit tha: “Ne jemi në procesin e një vizioni tjetër kombëtar. Nuk e di sa vite do të marrë, por për fat të keq largimi nga Gaza kërkonte shumë sakrifica. Kthimi në Gaza do të kërkojë gjithashtu shumë sakrifica”.

Duke thënë se Gaza është pjesë e Izraelit, Strock theksoi: “Do të vijë një ditë kur ne do të kthehemi atje”.

Parlamenti izraelit kishte miratuar ndryshimet e bëra në ligj, i cili parashikonte evakuimin e 4 vendbanimeve hebraike në Bregun Perëndimor kur Izraeli u tërhoq nga Rripi i Gazës së bllokuar në vitin 2005, duke e miratuar atë në votimin e tretë sot.

Sipas ligjit të ri, kolonët hebrenj do të mund të kthehen në vendbanimet ilegale në Bregun Perëndimor, përkatësisht në Homesh, Ganim, Kadim dhe Sanor, ku u dëbuan në vitin 2005.

Ligji synon të sigurojë që rreth 10 mijë kolonë hebrenj të kthehen në vendbanimet nga të cilat janë larguar.

Related posts

Hezbollah: Izraeli pushtoi një fshat të tërë në kufi me Libanin – VIDEO

admin

Kurti: Ushtrisë sonë iu shtuan edhe 302 ushtarë të rinj – të aftë e të gatshëm për ta mbrojtur Republikën tonë

rezart morina

Këshillit të BE-së i shkon propozimi që kushtëzon anëtarësimin e Serbisë me zbatimin e marrëveshjeve me Kosovën

rezart morina