RTV AHIRETI
LajmeLajmetRajon dhe Botë

Norvegji, organizohet fushatë për donacion të dronit turk Bayraktar TB2 për Ukrainën

norvegji,-organizohet-fushate-per-donacion-te-dronit-turk-bayraktar-tb2-per-ukrainen

Në Norvegji është organizuar fushatë për blerjen e dronit luftarak turk Bayraktar TB2, për t’u dorëzuar në Ukrainë, transmeton Anadolu Agency (AA).

Mjetet ajrore pa pilot Bayraktar TB2 të prodhuara nga kompania turke Baykar janë bërë një nga simbolet e Ukrainës në luftën me Rusinë. Bayraktar TB2, për të cilin u kompozuan edhe këngë, është bërë një nga zgjedhjet e para të atyre që duan të mbështesin popullin ukrainas.

Në një numër vendesh u nisën fushata për të blerë Bayraktar TB2 për të mbështetur ushtrinë dhe popullin ukrainas. Në fund të fushatave, u arritën shifrat e synuara për 3 blerje të Bayraktar TB2 në Ukrainë dhe 1 blerje në Lituani. Fushata e nisur për të njëjtin qëllim vazhdon edhe në Poloni.

Baykar dhuroi 4 Bayraktar TB2 në përgjigje të fushatave në Ukrainë dhe Lituani dhe kërkoi që mjetet e mbledhura të përdoren për popullin e Ukrainës.

Gjithashtu në Norvegji, u nis një fushatë dhurimi për blerjen e Bayraktar TB2 në solidaritet me Ukrainën.

Në fushatë, e cila thuhet se kërkon më pak se 10 kruna nga çdo norvegjez, mijëra njerëzve të parë që dhurojnë më shumë se 250 kruna do t’u jepet mundësia të përcaktojnë emrin e avionit që do të dhurohet.

Në kuadër të fushatës, synohet të mblidhen 55 milionë kruna (afërsisht 5,5 milionë dollarë) dhe ato të transferohen në fondin e ndihmës së Ambasadës së Ukrainës.

Related posts

Aksident në Rrugën e Kombit, lëndohet familja me 5 anëtarë nga Kosova, mes tyre dy fëmijë

rezart morina

Anketë: 50 për qind e amerikanëve mbështesin sulmet e Izraelit në Gaza

rezart morina

Kisha Mormone zotëron fondin e fshehtë $100 miliardë, denoncon ish-financieri

admin