Kreu i Programit Botëror të Ushqimit (PBU) u ka kërkuar autoriteteve në veriperëndim të Sirisë që të ndalojnë bllokimin e çasjes në zonë pasi kërkon të ndihmojë qindra mijëra njerëz të prekur nga tërmetet.
Drejtori i PBU David Beasley ka thënë se agjencisë po i mbaronin furnizimet atje dhe bëri thirrje që të hapen më shumë pika kufitare nga Turqia.
“Problemet me të cilat po hasim janë me operacionet e ndërlidhura në Sirinë veriperëndimore ku autoritetet siriane veriperëndimore nuk po na japin aksesin që na nevojitet”, tha Beasley në margjinat e Konferencës së Sigurisë në Mynih.
Në Siri, tashmë të shkatërruar nga më shumë se një dekadë e luftës civile, pjesa më e madhe e viktimave ka qenë në veriperëndim.
Zona kontrollohet nga rebelët në luftë me forcat besnike të presidentit Bashar al-Assad, gjë që ka komplikuar përpjekjet për të marrë ndihma për njerëzit. /mesazhi
Very frank discussions with leaders here at @MunSecConf. This hunger crisis is real and the consequences of inaction are severe. We’ve got to get ahead of this catastrophe right now — because if you don’t have food security, you’re not going to have any security at all! pic.twitter.com/gKfVJJKmZi
— David Beasley (@WFPChief) February 18, 2023
