Palestina bëri thirrje të mërkurën për mbledhje urgjente të Këshillit të Sigurimit të OKB-së, Ligës Arabe dhe Organizatës së Bashkëpunimit Islamik (OIC) për të ofruar “mbrojtje ndërkombëtare” për palestinezët pas sulmit të fundit nga Izraeli.
Në një deklaratë, Ministri i Jashtëm i Autoritetit Palestinez Riyad al-Maliki kërkoi që Këshilli i Sigurimit i OKB-së të thërrasë një takim urgjent pasi forcat izraelite bastisën qytetin e Nablusit në Bregun Perëndimor të pushtuar, në të cilin 11 palestinezë u vranë dhe më shumë se 100 u plagosën.
“Ne kërkuam që Izraeli të dënohet për masakrat e kryera kundër palestinezëve, më e fundit në Nablus, dhe të sigurojë mbrojtje ndërkombëtare për palestinezët”, tha al-Maliki në deklaratë.
Ai tha gjithashtu se Palestina bëri thirrje për mbledhje urgjente të Ligës Arabe dhe OBI-së dhe kërkoi që shtetet anëtare të këtyre organizatave të dënojnë Izraelin dhe të mbështesin kërkesën e Palestinës për mbrojtje ndërkombëtare. /mesazhi
