Papa Leoni XIV ka deklaruar të shtunën se nuk ka aspak interes të hyjë në debat me presidentin amerikan Donald Trump lidhur me luftën në Iran, por u zotua se do të vazhdojë të predikojë mesazhin ungjillor të paqes.
Teksa udhëtoi nga Kameruni drejt Angolës në kuadër të një turi 11-ditor në Afrikë, Papa Leoni komentoi polemikat e fundit të nxitura nga kritikat e Trumpit ndaj mesazheve të tij për paqen.
Trumpi i pati nisur kritikat përmes platformës së tij Truth Social më 12 prill, duke e akuzuar Papën për qëndrime të buta ndaj krimit dhe për afërsi me të majtën politike.
Këto deklarata u bënë në kohën kur vazhdon të përshkallëzohet konflikti me Iranin, i nisur më 28 shkurt me sulme të përbashkëta të SHBA-së dhe Izraelit dhe i pasuar nga kundërpërgjigjja iraniane. /koha
