Të paktën pesë persona janë vrarë pasi Izraeli ka bombarduar lagjet jugore të Bejrutit, megjithëse armëpushimi është ende në fuqi.
Sulmet kanë goditur disa zona të banuara në periferi të kryeqytetit libanez, duke shkaktuar dëme të mëdha dhe frikë te banorët lokalë. Autoritetet libaneze kanë konfirmuar numrin e viktimave dhe thonë se mes të vrarëve mund të ketë edhe civilë.
Bombardimet vijnë në një moment tensionesh të rritura, ndërsa komuniteti ndërkombëtar ka bërë thirrje për respektimin e armëpushimit dhe shmangien e përshkallëzimit të konfliktit. /mesazhi
