Deputeti i Vetëvendosjes, Eman Rrahmani në seancën e së enjtes në Kuvendin e Kosovës ka kundërshtuar Projektligjin rreth fertilizimit me asistencë mjekësore.
Kundër Rrahmanit në atë seancë ka dalur bashkëpartiakja e tij, Saranda Bogujevci, e cila tha se fakti që ajo nuk është e martuar apo në ndonjë lidhje nuk e ka ndaluar që të bëhet nënë. Kjo deklaratë e Bogujevcit ka ngjallur reagime të ndryshme.
Ndërsa, deputeti Eman Rrahmani ka reaguar përsëri në Facebook, duke shpërndarë një postim të vitit 2020.
Ai ka shkruar se ky ka qenë qëndrimi i tij publik para zgjedhjeve, gjatë zgjedhjeve dhe si deputet.
“Ky ka qenë qëndrimi im publik para zgjedhjeve, gjatë zgjedhjeve, dhe si deputet në dy legjislaturat e fundit. Ky do të jetë qëndrimi im edhe në të ardhmen, pra familje ku ka nënë, babë, gjysh, gjyshe…!” – ka shkruar Rrahmani.
