Shkencëtarët thonë se ka “prova bindëse” që tregu Huanan i ushqimeve të detit dhe kafshëve të egra në Wuhan ishte në qendër të shpërthimit të COVID-19, raportoi BBC të martën.
Dy studime të publikuara riekzaminojnë informacionin për shpërthimin fillestar të virusit në qytetin kinez.
Një nga studimet tregon se rastet e para ishin të përqendruara rreth atij tregu.
Sugjeroi se kishte dy variante në njerëzit në nëntor dhe dhjetor 2019.
Studiuesit thonë se provat tregojnë se koronavirusi ishte prezent në kafshët që u shitën në tregun Huanan më 2019. Ata thanë se u transmetua te njerëzit që punonin ose blinin aty, ku një njeri e mori virusin nga një kafshë.
Shkencëtarët krijuan një hartë të mostrave – tamponët e lëngjeve nga kanalizimet dhe në tezgat e tregut – që rezultuan pozitive për virusin.
“Shumica e mostrave pozitive u grumbulluan rreth anës jugperëndimore të tregut”, shpjegoi David Robertson, virolog. “Dhe ky është vendi ku ne raportojmë se shiten specie të një kafshe të egër”.
“Pra, ne kemi konfirmimin e kafshëve që tani e dimë se janë të ndjeshme [nga Sars-Cov-2, virusi që shkakton Covid-19] u shitën atje në fund të 2019-s”. /koha
