Dy terroristë kanë mbetur të vdekur, ndërsa 6 persona të tjerë përfshirë 3 policë janë plagosur si pasojë e tentativës për sulm ndaj pikës së kontrollit pranë Gjykatës së Stambollit në Turqi, raporton Anadolu.
Ministri i Brendshëm turk, Ali Yerlikaya, në postimin e tij në rrjetet sociale njoftoi se ka pasur një tentativë për sulm pranë Pallatit të Drejtësisë në Çağlayan të Stambollit.
Në incident, sipas vlerësimeve të para janë neutralizuar 2 sulmues, kurse 6 persona të tjerë përfshirë 3 policë janë plagosur.
“I përgëzoj policët tanë heronj. I uroj shërim të shpejtë të lënduarve. Do të vazhdojmë të ndajmë zhvillimet me publikun”, shkroi ministri Yerlikaya.
Të plagosurit efektivë të policisë dhe qytetarët janë dërguar në spital nga ekipet mjekësore që kanë mbërritur në vendngjarje. Mësohet se gjendja e përgjithshme shëndetësore e të plagosurve është e mirë.
Gjatë hetimeve u konstatua se sulmuesit e neutralizuar ishin Pınar Birkoç dhe Emrah Yayla, anëtarë të organizatës terroriste DHKP/C.
Njëri nga sulmuesit që u arratis pas incidentit, është kapur i plagosur.
Momenti i sulmit terrorist në fjalë është regjistruar nga kamerat e sigurisë së gjykatës.
Pas njoftimit rreth incidentit, shumë ekipe policore dhe mjekësore u dërguan në zonë.
استنبول میں دہشت گردی
دو دہشت گردوں کا استنبول عدالت کی عمارت کے سامنے چیک پوائنٹ پر حملہ ۔
پولیس کے بروقت جوابی ایکشن سے دونوں دہشت گرد مارے گئے
دہشت گردوں کی فائرنگ سے تین پولیس اہلکار اور تین شہری زخمی ہوگئے۔ pic.twitter.com/PhTNmxNbkN— ترکیہ اردو (@TurkiyeUrdu_) February 6, 2024