RTV AHIRETI
LajmeRajon dhe Botë

Turqia dhe Ukraina nënshkruajnë marrëveshje për rindërtimin e infrastrukturës së dëmtuar nga lufta

turqia-dhe-ukraina-nenshkruajne-marreveshje-per-rindertimin-e-infrastruktures-se-demtuar-nga-lufta

Marrëveshja u nënshkrua nga ministri turk i Tregtisë Mehmet Muş dhe ministri i Infrastrukturës i Ukrainës Oleksandr Kubrakov në qytetin ukrainas të Lviv, pas bisedimeve dypalëshe Erdoğan-Zelenskyy

Turqia dhe Ukraina nënshkruan sot një memorandum për rindërtimin e infrastrukturës ukrainase të dëmtuar për shkak të luftës me Rusinë, raporton Anadolu Agency (AA).

Marrëveshja u nënshkrua nga ministri turk i Tregtisë Mehmet Muş dhe ministri i Infrastrukturës i Ukrainës Oleksandr Kubrakov në qytetin ukrainas të Lviv, pas bisedimeve dypalëshe midis presidentit turk Recep Tayyip Erdoğan dhe atij ukrainas Volodymyr Zelenskyy.

“Marrëveshja parashikon pjesëmarrjen e palës turke në procesin e rindërtimit të Ukrainës”, tha në një deklaratë Ministria e Infrastrukturës e Ukrainës.

Ministria tha se do të formohet një grup i përbashkët pune për tërheqjen e investimeve turke dhe zhvillimin e projekteve specifike për bashkëpunim.

“Strukturat e biznesit dhe qeverisë turke do të jenë në gjendje të zhvillojnë projekte të veçanta rindërtimi, si dhe të ofrojnë këshillim dhe ndihmë teknike”, thuhet më tej. /aa

Related posts

Programi Botëror i Ushqimit bën thirrje për garanci sigurie për dërgimin e furnizimeve ushqimore në Gaza

admin6

“Në SHBA është gati të realizohet ‘Doktrina e Bidenit’ për njohjen e shtetit të Palestinës”

admin

Tifozët e Celtic-ut protestuan kundër familjes mbretërore gjatë ndeshjes së ligës skoceze

admin