Një nutricioniste e njohur, Rujita Divekar, thotë se nuk duhet ta nisni kurrë ditën me çaj dhe kafe. Kjo mund të jetë një tronditje për ata që thjesht nuk mund të bëjnë pa një filxhan çaj ose kafe në mëngjes pasi ngrihen nga shtrati, shkruan NDTV.
Për shumë njerëz, çaji ose kafeja me stomakun bosh mund të rezultojë në urth të pakëndshëm, marramendje dhe dehidrim, paralajmërojnë ekspertët.
Sipas dietologes Rujita Divekar, mënyra më e shëndetshme për të nisur ditën është të hani një grusht bajame ose disa arra të tjera me stomakun bosh.
Kjo mund të pasohet nga një gotë me ujë të vakët dhe vetëm atëherë rekomandon një filxhan çaj ose kafe.
Por ka edhe ushqime që ajo pohon se përveç kafesë dhe çajit nuk duhen konsumuar me stomakun bosh, konkretisht:
pije të gazuara
ushqim pikant
pije të ftohta
perime të papërpunuara
agrumet
Tani që keni një listë të ushqimeve të padëshirueshme për t’u konsumuar me stomakun bosh, është koha të mendoni se me çfarë e filloni ditën tuaj.
