RTV AHIRETI
LajmeRajon dhe Botë

Ushtria izraelite zgjeron operacionin e saj në kampin e refugjatëve Jabalia në veri të Gazës

ushtria-izraelite-zgjeron-operacionin-e-saj-ne-kampin-e-refugjateve-jabalia-ne-veri-te-gazes

Ushtria izraelite ka zgjeruar inkursionin e saj në kampin e refugjatëve Jabalia në veri të Rripit të Gazës nën bombardimet dhe granatimet e forta izraelite, raporton Anadolu.

Dëshmitarët okularë thanë për Anadolu se forcat izraelite arritën në zonën al-Trans, në qendër të kampit, mes përleshjeve të ashpra me grupet e rezistencës palestineze.

Dëshmitarët shtuan se ushtria izraelite shkatërroi disa shtëpi brenda kampit dhe detyroi qindra persona të largohen nga zonat e tyre në kamp.

Sulmi në kampin e refugjatëve Jabalia erdhi derisa ushtria izraelite vazhdon inkursionin e saj në zonat lindore të qytetit Rafah në Rripin e Gazës jugore, ku janë grumbulluar palestinezët e zhvendosur.

Izraeli ka zhvilluar një ofensivë brutale në Rripin e Gazës në shenjë hakmarrjeje për sulmin e Hamasit më 7 tetor të vitit 2023, në të cilin sipas Tel Avivit u vranë afër 1.200 njerëz.

Të paktën 35.100 palestinezë janë vrarë në Gaza që atëherë, shumica dërrmuese e të cilëve kanë qenë gra dhe fëmijë, si dhe mbi 79 mijë të tjerë janë plagosur.

Po ashtu edhe në Bregun Perëndimor të pushtuar janë vrarë rreth 500 palestinezë që nga 7 tetori, ndërkohë mijëra janë plagosur dhe janë arrestuar nga ushtria izraelite.

Izraeli akuzohet për gjenocid në Gjykatën Ndërkombëtare të Drejtësisë, e cila në një vendim të përkohshëm në muajin janar urdhëroi Tel Avivin të sigurojë që forcat e tij të mos kryejnë akte të gjenocidit dhe të marrin masa për të garantuar ofrimin e ndihmës humanitare për civilët në Gaza.

Related posts

Thirrje për ndihmë teksa uria kaplon Kartumin e dërrmuar nga lufta

admin

Egjipti optimist për zgjatjen e mundshme të armëpushimit në Gaza

rezart morina

Kurti: Pas fushatave vrastare, preokupimi i Serbisë ishte fshehja e krimeve dhe zhdukja e gjurmëve

admin